مواقف حقيقية حدثت مع بعض الإخوة بسبب ضعف اللغة الإنجليزية لد

مواقف حقيقية حدثت مع بعض الإخوة بسبب ضعف اللغة الإنجليزية لديهم



واحد راح للبقالة يشتري حليب وما يعرف كلمة حليب بالأنجليزي !!! وراح يوصف لهم شكل الحليب ويحاول ....... فحاولو التقريب له وجابو له عصير برتقال قالو له : أورانج جوس ؟؟ orange juice ?? قال لهم : نو نو كاو جوس cow juice ?? )) يعني عصير بقرة !!!!!

من المواقف رحت لفرنسا وسكنت بفندق الكنكورد لفييت وانا طالع من الفندق نزلت للاستقبال عشان

اقفل الحساب وقلت للموظف بليز بن ماي كار (( اللغه الله بالخير )) يعني اقصد خلهم يودون الشناط

للسياره ومادريت ان البن يعني القلم والموظف مبلم وقعدت اعيد عليه وهو متبرطم واقول وش ذا مايفهم

ويجي مدير الاستقبال وانا أأشر على الشنط واقول بليز بن ماي كااار 00000

وكانو ثنيين من الاصدقاء بعيد يوم سمعو الزعاق جو وعدت الجمله يوووم تسدحوا بالاستقباال

فيه واحد منهم رحمني وصرفها ترجم لهم قاال ان فيه قلم على الشنطه وراح للسياره رجع ما لقاه

ما شفتووووه قالو لا وهو مغمى عليه من الضحك00

يقال أن أحد الطلاب السعوديين نزل في مطار نيويورك بعد أحداث سبتمبر 2001 بفترة قصيرة. أخونا كانت لغته الإنجليزية أي كلام... يوم جاء عند موظف الجوازات سأله وش عندك جاي لأمريكا؟ فقال لهم:

I am a terrorist هو عنده طرف علم... وكان يقصد: tourist " توريست " يعني سائح.... بس شكله من كثر ما يسمع في الأخبار كلمة terrorist (تيروريست ) إرهابي... ما جاء في باله إلا هي! مسكين... وقفوه كم ساعة يستجوبونه وفي الأخير عرفوا إنه بريء وعلى نياته فأطلقوا سراحه...

ومن طرائف الطلاب السعوديين في أمريكا: واحد كان توه واصل وعند دخوله شقته المستأجرة.. لقى أنها غير نظيفة تماماً وفيها أنواع الحشرات.. فذهب إلى مكتب تأجير العمارة.. وكانت لغته على قد حاله... وكان بلشان بكلمة ( حشرات ) ما يعرفها.. لكنه ما سكت وما انحرج فقال لهم:

There are "animals" in my apartment

" توجد حيوانات في شقتي "

وبعدين حس أن animals ( حيوانات ) قوية شوي فحاول يرقعها وراح يوصفها وقال:

There are animals in my apartment. Sometimes they walk sometimes they fly !

( توجد حيوانات في شقتي.. أحيانا تمشي وأحيانا تطير) فقال موظف المكتب:

Oh my God! What kind of animals !

( يا إلهي وش هالحيوانات هذي؟ ) توقع انها ديناصورات أو حيوانات متوحشة!

احد الزملاء راح لامريكا و لا يعرف يس من نو

بعد ما قعد شهر و بدا يطقطق انجليزي اشتهى تمر و راح لسوبر ماركت و جالس يدور و كثر دوران

جته موظفة في السوبر ماركت و قالت له تبي اساعدك

قال : Yes, I want date هي طيرت عيونها و لا يدري وش فيها

تحسبه يبي يواعدها و هو يقصد dates تمر

=

==

واحده من الكبيرات في السن زارت اولادها في امريكا و سمعت الامريكان يقولون عن البطاطس بوتيتو والطماطم تميتو , قالت وين البصيلتو؟

كانت احدى الجامعات تعمل حفلات تعارف للطلبه بين فترة واخرى . حضرها احد السعوديين وكان فيها فرقه موسيقيه تعزف بصوت عالي بحيث يصعب ان تتحدث الى من بجانبك , وكان احد الحضور يحاول ان يحادث السعودي وسأه من اين انت ؟ فاجاب من السعوديه , لكن السائل سأله مرة اخرى : ماذا ؟ فرفع صوته فسأله اخرى , فاستجمع صوته وصرخ : انا من السعوديه , ولسوء حظه توقفت الموسيقى في تلك اللحظه , فجلجل صوته في القاعه , والتفت الجميع اليه

اكثر الاجانب عندهم مشكله في التفرقه بين حرفي p , b في النطق وحصل ان اراد احد الاخوان ايقاف سيارته في احدى الاماكن فسأل رجل هل استطيع الوقوف هنا ونطقها بحرف ( b ) والتي تعني النباح فاجابه : park but don't bark

يا حليل الانقليزي .. والله انه بحل قدام هالفرنسي ..

على الاقل ياخي ربينا على سماع الانقليزي دايم .. بس يا والله هافرنسي ماله دواء ابد ..

في رحلة عمل لفرنسا دخلنا مطعم الشركه والظاهر موظفين المطعم من جنبها في الانقليزي ..

والمشكله انه بوفيه " يعني يمديك تأشر " .. بس البنيه اللي في المطعم انخرشت من الانقليزي غير كذا كلنا تجمعنا عليها

اقول لها Turkey اللي هو لحم ديك رومي .. والضعيفه مغير تشحن هالصحن بالبطاطس ..

وياااالله يالله فهمت وش ابي .. بعد ما خلصت .. لقيت العالم كلها تطالع فيني من كثر البطاطس ..

يعني اللي يشوفني من بعيد بيقول هذا بياكل بطاطس بس!!!

حتى الكاشيير قعدت تطالع في الصحن تبي شي تحاسب عنه.. قلبت الصحن لقت تسعين بالميه منه بطاطس .. وقطعة لحم صغيره ما تسوى .. ههههههههههههه

ووالله البلد حلوه والفله فيها ما يحتاج .. بس تنشب معهم بسبب اللغه ...

اخوي ذكرتني بموقف محرج

يوم اشتغلت في احدى الشركات كان المسؤول بريطاني وكانت لغتي هه لك عليها

المهم كنت واقف بجنبه في وسط المجمع وبين العالم والزحمه ونتناقش في موضوع معين طبعا انا كل جمله في نص ساعه قوة تركيب كلمات وطبعا لابد بين كل كلمه وكلمه وقفة طويلة مع ( ااااااااااااااااااااا) او (اممممممممممممم) واذا مره مره علقت قطيت ( is ) والجمله اصلا مايبيلها ولا از ولا هم يحزنون

الا الرجال يتبسم وهو طبعا يعدي ويمشي امورة وادري انه يقول في باله وش ذالنكبة

شوي الا يقول ويلف وجهه your zipper

وانا شاق الابتسامه ببلاهه مطبقه وعلى بالي انه فاهمني

رجع وقال close your zipper

وانا اطالع وش ذا الي يبني اقفله انا ماجبت طاري اي شي لازم ينقفل

ويأشر لي وهو بيموت من الضحك وانا وجهي تقل قوطي صلصة

ومن ذاك اليوم حرمت الفلسفه والحمدلله نويت وحصلت على التوفل وشديت الهمه واثبتت وجودي والا اليوم كل ماشفته ضحكنا ولا احد يدري لية

مشكور اخوي عالموضوع ويعطيكم الف عافية

اللغه شي مهم فيه واحد حبيب قرر يسافر امريكا واللغه صفر المهم سافر الحبيب يم وصل المطار عندهم حس بالورطه المهم قرر يرجع لدوله عربيه بس كيف يحجز واللغه صفر وكل ماكلم احد مايفهم عليه وبعد وقت شاف شاب لابس شيك المهم طارفيه انت سعودي تكفي احجزلي ابروح دوله عربيه الشاب يتكلم انجليزي قال الحبيب والله لو تكلم سنه انجليزي انته سعودي ساعدني قعد يضحك الشاب قال ابشر بساعدك بس كيف عرفت اني سعودي قال بسيطه(بالكويه الي فرقبتك)



أول ما رحنا أمريكا ندرس لغة... فيه واحد من الشباب معاه مترجم إلكتروني...ما يفكه من يده... الرجال راح لمطعم فاست فوود.... وطلب له برقر....وراح جلس بكرسيه...يحسب الوضع نفس السعودية..تجلس بكرسيك..لين يجيك الطلب حقك....أنتظر الرجال..وانتظر...ما جاه شي...واللي جو بعده..أخذوا طلبهم وراحوا..... زعل الرجال..وطلع المترجم حقه...وراح للموظف قاله : I student a hamburger....where is it ??? الموظف فتح أفمه...ما يدري وش يقصد..لأن الرجال قال له: أنا طالب ( تلميذ ) همبرقر..وينها ؟؟







هذا الله يسلمك انا وواحد من الشباب رايحين لفندق في الخارج طبعا اول ماوصلنا معنا ملابس نبي نكويها والشاب اللطيف الي معي مقلقنا دايما انه فلته بالانقلش ، طبعا جا العامل يحط الشنط بالغرفة فا قاله خوينا بالانقلش

( If allowed to take the clothes Cloud )

طبعا قصدة يقول لو سحمت خذ الملابس للغيمة !!

فا العامل انلخم المسكين مايدري وش يسوي جلس ساعة مطير عيونه توهق ولا يدري وش يسوي مادرينا الا وهو جايب صابون

انا جيت ولقيت الوضع كذا سألت الي معي قلت وش السالفه قال ياخي هذا مايفهم اقوله ود الملابس للمغسلة ولا يعرف ، وجلس يقوله تيك ذا كلوذس تو كلاووووووود ،، انا تمزع بطني من الضحك الاخ عندهم مغاسل اسمها مغاسل سحاب Laundry cloud وخانه التعبير جا بيقول ودها للمغسلة قال ودها للغيمة ههههههههههههههههههه



هذا موقف صار لولد عمي هذا ولد عمي اول ما وصل امريكا كان حريص انه ما يطيح بمشتقات الخنزير عسى الله يحفظنا من الحرام وكان الشباب هنا يوصون بعضهم يقولون قل : نو هام نو بروك نو بيكن -- طبعا هذي انواع لحم الخنزير ومشتقاته والله ابو الشباب يمسكها المهم ويروح لمكادونالد ويطلب همبرقر ويقول لهم نفس الجمله الشهيره ، نو هام نو بروك نو بيكن والله تمشي الامور واستانس الرجال المهم ويجي دور المشروبات وتسأله اي نوع من المشروبات تريد قال ابي كوكا كولا بس نو هام نو بروك نو بيكن والله يموتون عليها الموظفين من الضحك



كنا نبي نفطر في فندق في ماليزيا فكان واحد من زملائي يبي بيض عيون فقال لهم I want eggs like this و اشر لعيونة !!

منقوووول